Koi Tumse Pooche Kaun Hoon Main,
Tum Keh Dena "Koi Khaas Nahi..."
Ek Dost Hai Kaccha Pakka Sa, Ek Jhooth Hai Aadha Saccha Sa...
Jazbaat Ko Dhake Ek Parda, Bas Ek Bahana Hai Accha Sa...
Jeevan Ka Ek Aisa Saathi Hai, Jo Door Ho Ke Pass Nahi...
Koi Tumse Pooche Kaun Hoon Main, Tum Keh Dena "Koi Khaas Nahi..."
Hawa Ka Ek Suhana Jhonka Hai, Kabhi Nazuk Toh Kabhi Tufano Sa...
Shakal Dekh Kar Jo Nazrein Jhuka Le, Kabhi Apna Toh Kabhi Begaano Sa...
Zindagi Ka Ek Aisa Humsafar, Jo Samandar Hai, Par Dil Ko Pyaas Nahi...
Koi Tumse Pooche Kaun Hoon Main, Tum Keh Dena "Koi Khaas Nahi..."
Ek Saathi Jo Ankahi Kuch Baatein Keh Jata Hai...
Yaadon Me Jiska Ek Dhundhla Chehra Reh Jaata Hai...
Yun Toh Uske Naa Hone Ka Kuch Gham Nahi...
Par Kabhi-Kabhi Aankho Se Aansoo Ban Ke Beh Jaata Hai...
Yun Rehta Toh Mere Tassavur Mein Hai, Par Inn Aankhon Ko Uski Talaash Nahi.
Koi Tumse…
