" पर सच कहूं " ............... ( A story ) Tumhare mujhko khud se dur karne ke vo akhri Pal aaj bhi yaad aa jaate hai , jab kaha tha tumne ' I am not feeling good with you yaar ' ...Ab mujhe tumse nahi hai pyaar . ....Na Jaane kab vo 1 saal 1 mahine aur 16 din baad tumko realise ho gya ki tumko pyaar nhi , hongi shayad tumhari apni koi mazburiyan nayi .... Par Sach kahu ...vo tumhare shabd mujhe choobh rahe the bahut , vo pehle wali tum ko mai dhoond raha tha bahut . Par sach kahu ...tumhari khushi to mene dekh hi li thi mene tumhare alag jaane mei ...Haan mene kaha tumse usdin milne ke liye .. Haan mene Zid bhi ki thi .... Par sach kahu ....jo mai kar raha tha zid tumse milne ki ...tumhe milna to chahta tha par tumhe Rokna na chahta tha ...haan mai toot raha tha andar se bahut. Par sach kahu ....Haan vo saare pal ek baar fir se jeena chahta tha mai , tumhe jee bhar ke dekhna chahta tha mai ...haan bas ek baar tumhare haath apne hatho pe rakhkar , tumhari komal hatheliyo ko fir se mehsoos karna chahta tha mai . Par sach kahu ....Vo jo yuhi drive par nikal jaya karte the hum , ...Vo jo bike par baithkar sath bas baaton hi baaton se mene aur tumne apna ek alag jahaan bana liya tha ...Uss jahan mei bas ek baar jakar aana chahta tha mai . Haan mai jaan gaya tha ki aagey ki ye life ab tumhari bina aasna nahi honewali hai ....Are tumko kho dene ka , tumse dur hone ka , tumse Baat na ho paane ka mera sabse bada darr sach jo honewala tha ...Usi aanewali mushkil bhar life ke liye ek baar tumhari hasi ko dekhna chahta tha aur hamesha ke liye inn ankho mei bhar lena chahta tha Mai ... Par sach kahu ....koshish to uske baad bhi kaafi ki mene bas ek baar mil jaane ki ...ek darr bhi laga rehta tha ki kahin tum aur na rooth jaao ...Haan mai aagya tha bina bulaaye usdin ,..Ha vese to tumne usdin meri taraf dekha bhi na tha . Khair tumko dekhne ki ummid mei kai baar mai gujra unn raasto par se Jinse tum hokar Guzarte the ... Haan ab tum mere nahi samajh to gya tha .....par ye to dil tha na Bas maan nahi raha tha . Sach kahu ...Ab chod diya hai unn Galiyon se bhi guzarna maine ....janta tha ki tum mujhe dikh to jaaoge esa karne se shayad ....Par uske baad tumhare yu nazar fer kar chale jaane se Jo dard mujhe hota hai. ....Vo mai Bayaan na kar saku shayad . Ek sach aur kehta hu ...tumhe bepanah Mohabbat karta tha aur karta hu ...Aur shayad esi mohabbat ab dobara kisi se na ho paaye ...Haan Ye bhi ek Sach Hai .

" मैं ठहरा हूं वहीं " ( WAQT ) Mai Ruka hu vahin usi waqt mei Chale Gaye tum jaha se Mai usi waqt mei Thehra hu Muskura kar Baat ki thi akhri Baar Hue the akhri Baar Rubaroo Mile the tum akhri baar jab Uss pal mei hi jee raha hu Ab Mai Ruka hu vahi unn kahaniyo mei Tumhari unn pyar bhari nadaaniyo mei Uss hasi mei tumhari , uss har ek khushi mei tumhari Mai Ruka hu vahi usi waqt mei Jab mujhko har waqt bulaya karte the tum Apna har haal btaya karte the tum Tum to Raabta na rakh paaye uss waqt se jyada Par uss waqt ko har waqt jiya tha mene , Kehte hai sab ki waqt hamara bi aayega kabhi Par uss waqt ko hi apna waqt maan liya tha mene . Vo waqt ...mai thehra hu vahi usi waqt mei Bhulkar uss waqt ko tum to aa agye ko kaafi aagey ab shayad Par thehra hu vahi , usi waqt mei Jo mujhe mera sa lagta tha Jisme Baat tumhari hoti thi , jiski har shyam tumhari hoti thi ... Jo duniya tha meri , jisme baat tumse hoti thi Tumse Roz milne ki khushi jisme hoti thi Aur dur jaane ka gam bhi jisme Jis waqt mei intzaar tumhara mai karta tha Vo Waqt ...Mai thehra hu vahi usi waqt Mei

" मैं लिखता हूं तुझे " Mai Likhta hu tujhe kuch ias tarah se Har shabd ko likhkar Ro deta hu bas Fir se unn yado mei khud ko kho deta hu bas Ab dhundta hu tujhe apni shaayario mei mai Kuch der yu fir se kuch jee leta hu mai Teri kahaanio mei hi bas ab tujhse mil leta hu mai Hai kehne ko itna kuch tere baare mei Har Roz meri dairy mei ek hissa ban jata hai Khayal se khayal judte hai , anshu girte hai Aur teri mohabbat ka ek naya kissa ban jata hai Jab saath the tum tab meri shayariyan auro se anzaan thi Bas tujh tak jaati thi , tere ishq ki pehchan thi .. Mai likhta hu tujhe ab kuch iss tarah se Tujhko mai paa leta hu kuch der Khud ko yu azmaa leta hu kuch der Ishq fir tumse nibha leta hu kuch der Mai likhta hu tujhe kuch isa tarah se .....

" पूछे कोई तुमसे " puche koi tumse mere Baare mei , Keh dena koi khaas nahi tha ... Ek shaqs Mila tha yuhi , Jo ek galti kar baitha tha Jo haq mene na diya tha usko , Bas vahi kar baitha tha .... Vese to kehta tha dost mujhe , Par mujhse ishq kar baitha tha Keh dena ki vo tariffe mei yuhi bewajah hi karta tha Dukh mei mujhe hasane ki koshi hazaar karta tha ... Kehne par bas mere yu daud ka aajata tha Bahane saath bitaane ke yuhi talaash karta tha Na jaane kya samajh baitha tha Naa jaane kya jaan baitha tha Sapno ko bhi mere apna maan baitha tha . Nasamajh tha shayad , ya sochkar sab karta tha Bhulkar khud ko bas parwaah meri karta tha Kabil nahi tha kabhi mere , Na usme hunar koi khaas tha . Bas Bewakoofiyaan si karta tha Bewajah hi mere liye , ankho mei anshu bharta tha Keh dena fir se , ek shaqs tha jo kuch khaas nhi tha Waqt Rehte hi usko Ehsaas ab kara diyaa Jee Raha tha sapno mei ,sapno se usey jaga diya

" मैं खुश हूं " - 2 Jab kuch naye Sapne Saza liye tumne To tumse judey apne har ek sapne ko mujhe Raundana pada , kuchalna pada Jo tumse judi har yaad ko , tumse judi har Baat ko Tumhare sath hone ke har ek ehsaas ko , jo mai sahejana chahta tha apne pass Jo unn haatho tumhare bas thamke rakhha chahata tha mai Par haath chudakar yu , aur unn ehsaaso se juda hokar , Azad mehsoos kiya ho tumne ... To tumhari Nayi azadi ke liye Mai khush hu Mai khush hu teri har ek khushi se Aur jo mashroof hue iss kadar tum Naye jahaan mei apne Ke tujhme hi mashroof rehne wala , teri hi parwaah karne wala , Fir nazar tak nahi aaya tumhe ..... Aur Saath vo bhulakar jo aagey badh gaye tum Ek naye safar mei , nayi ummido ke sath ... To tumhari unn nayi ummido ke liye Mai khush hu , Mai khush hu teri har ek khushi se .

" मैं खुश हूं " Yu nazar fer jaane se Yu berukhi dikhane se Agar milti ho tumhe khushi jara si bhi To mai khush hu Mai khush hu teri har ek khushi se Ja Raaho par dekhkar kar diya nazar andaz tumne .... To fark nhi padta ki kya mehsoos mere iss dil ne uss waqt kiya ......jo shayad dhadakna hi bhul gya Bas us ek pal ke liye. ... Par mila ho thoda sa bi sukoon esa karne mei tumhe ... Tere uss sukoon ke liye , Mai khush hu , Mai khush hu teri har ek khushi se ....

" मैं मंजिल तो था ही नही " Mai Manzil to tha hi nahi teri Bas shayad safar ka ek sath tha Mai Zindagi to tha hi nahi teri Bas shyad uska ek chota sa khayal tha Mere liye to har pal sath hona tera Ek zunoon ka kaam tha Mujhe kya Pta tha mai teri zaroorat mei , ek chota sa mukaam tha Maan kiya mai khud ko kitna bi tadpa lun Iss dard ki aag mei khud ko kitna bhi jalaa lun Mai Rou lu Raat bhar chaahe teri yaad mei Mera zikra tak na aayega ek baar teri Baat mei

" एक खत तेरे नाम " - ( A one Sided Breakup) Aaj tumse kuch kehne ko jew chahta hai , Yaa yu kahu ki aaj vo sabkuch kehne ko jee chahta hai jo shayad zindagi ab dobara kabi mauka hi na de dobara . Pta hai kittu aaj fir se vo pyaar bhare naamo se tumhe Bulaane ka mann kar Raha hai , Par shayad ab mai tumhe naam lekar hi bulaaun to sahi hoga. ...Ha kyunki tumhare naam se pehle vo pyaar bhare prefix mai laga diya karta tha ab shayad haq nahi hai mujhe .. Khair ab to kaafi waqt beet gaya hai dur gaye hue tumhe , vese mene to ek ek din ko jiya hai yaad mei tumhari , Aur har ek din ko gina hai , to sahi se batata hu , ha tumhe gaye hue aaj pure 7 mahine aur 5 din ho gaye hai , par mujhe kal hi ki Baat lagti hai , jab tum mujhe vo aakhri baar mili thi ...vo Chehre pe tumhare Na jaane kesi jaldbazi si thi bas dur jaane ki , Mai kuch jyada puch bhi na paya tumse usdin .....Haan andar se toot raha tha bahut par tumhe jaldi thi to jyada sawaal nahi kiye ...Aur Apna So called breakup to one sided hi Reh gaya ... Jo sirf tumhari taraf se hua tha ......vese pta nhi ye sab tumhare liye itna aasan kese tha , Aur tumne to vo kya kehte hai Move on ....Ha move on karliyaa.... Yaar kya hota hai ye move on , aur kese karlete hai , mujhe bhi to sikha jaate . par Shayad sacchi mohabbat mei kabhi move on hota hi nahi hai . Isiliye mai nhi kar paya ...uske baad kai dafa mene koshis ki tumse milne ki , tumse baat karne ki ..... Han mahaz ek do baar tumne call pe Baat jrur ki thi , par tumhare shabdo mei ek parayaapan sa aa chuka tha , Aur vo pehle waali tum ko mai bas dhudhta hi reh gaya bas ....jiske kahey har shabd bas pyaar nazar aata tha , jiski har baat mei mere liye lagaav nazar aata tha ...jo mujhse baat karti thi to mai khush ho jaya karta tha , Pta nahi vo mujhe mili hi nhi dobara . Haan tum busy ho gaye the apne naye life excitements ke sath , apne sapno ke sath , Jo kabhi mere bhi sapne hua karte the ..... Bas kuch Baatein aaj bhi unkahi hai , Par shayad ab Naseeb mei yahi hai ..... ( 22 May 2019 )

' Chal Raha hu mai ' Chal Raha hu mai , bas ab tera sath nhi hai Kya kahun inn Rasto mei ab vo baat nhi hai Vo yuhi karletaa hu mai ab khud ko khushnuma Iss khushi mei vo teri hasi ki baat nhi hai Yuhi fisal Rahi ha zindagi ki dor ab jese hatho se Tham lu mai uss dor ko ab ye vishwas nhi hai Chal Raha hu bas ab tera sath nahi hai .... Baatein kai hai dil mei , Kai Jazbaat Baaki hai tere liye Par tujh tak pahuch paaye Ab vo ehsaas nhi hai Chal Raha hu mai , bas ab tera sath nhi hai .....

LONG TIME ..... (a moment of seperation) Its been long time since i last saw you , last i saw you , last i saw that smile which almost everyday used to bring an enormous amount of joy and happiness in my life ...I had never thought that on that day you were meeting me for last time . Last time we met we shared so much of joy and laugh together , infact i remember the date exact , yes it was 17 Nov 2018 ...... Everything changed since then , If i knew that would be seeing that smile for the last time , i would have done something different or perhaps tried to talk more to you on that day or would have taken atleast one or two pictures of that moment . But i guess this is what we call life . We never know whats going to happen next day or even the next moment ....Some people meets us and becomes our priority for the rest of our life and some people who left are just unforgettable ..... After all destiny has different scripts written for us. So after that i tried and tried just to get a single sight of her ...but failed everytime . I might get habitual to this in coming time , But there are some questions which will be always remain unanswered ..... ( 30 Sep 2020)

' FARK PADTA HAI ' Jab kisi ki adat ho jaaye , Aur vo yuhi dur chala jaaye Jab ishq kisi se beintehaa ho jaaye , Pur vo yu achanak badal jaaye ' To fark padta hai ' Jab kisi chehre mei har roz ek sukoon sa milta ho tumhe Aur vo bina kuch kahe yu ankho se ojhal ho jaaye ... ' To fark Padta hai ' Khuda mankar jab ibadat karo tum kisi ki Vo yu tumhare liye aznabi ban jaaye Har din, har waqt , har pal jiski baat karte ho tum Uski baaton mei ab tumhara jikra tak na aaye ' To fark padta hai ' Vo jinhe nihaarte ho tum , jinki ankho mei bas yuhi doob jaate ho tum Vo ab Rasto par dikhein aur Nazrein hi fer jaaye ' To Fark padta hai' Jo har par har ghadi nazar aate ho tumhare call logs mei Ab tumhare contacts mei bi nazar na aaye ' To fark padta hai ' Jinko choti si takleef se bi tadap jaate ho tum Tumhare unke liye laakh anshu bahane par bi unka dil na pighal paaye ... Har raah ke humsafar hone ki Baat kehne wale Ab unhi Rahon par kisi aur se saath nazar aa jaaye .... ' To fark Padta hai ' Shayad ye fark ab Hamesha Padta rahega Ek jakhm banke dil mei hamesha chubhta rahega ..... Par samajh payenge vahi log isko Jinhone ishq puri sacchai , puri shiddat se kiya hoga .

Mein Apni Zindagi Ka Har Wo Lamha Tere Naam Kar Du Tu Kahe To Apni JAAN V Tere Naam Kardu Du Are Pyar To Bahut Ne Kiya Tha Pyar To Bahut Ne Kiya Tha Mere Jaise Kisi Ne Kiya Ho To Bol Apni JAAN Kurban Kardu #SAGAR_R #BOXER🥊✍️

Apke Sath Adhuri Kahani Nahi Puri Zindagi Chaiye Ap Jaise Koi Nahi Ap Hi Mujhe Har Janam Mein Chaiye #SAGAR_R #BOXER🥊✍️

Apki Yaad Hi Meri Jaan Hai Sayad Ish Haqiqat Se Ap Anjan Hai Hum Khud Hi Bhul Gaye H Ki Ab Hum Kon Hai Apki Pehchan Hi Ab Humari Pehchan Hai #SAGAR_R #BOXER🥊✍️

Zindagi 1 Sans Ki Dor Ki Jaisi Hai Zindagi 1 Sans Ki Dor Ki Jaisi Hai Aj Humlog Hai Aur Kal Humare Yadein Rahegi #SAGAR_R #BOXER🥊✍️